Kimyogarlar E.coli bakteriyasidan foydalanib, laboratoriyada plastik butilkalardan olingan materialdan paratsetamol (atsetaminofen nomi bilan ham tanilgan) tayyorlash mumkinligini kashf etdilar. Og‘riq qoldiruvchi vosita shu kungacha neftdan olingan. Edinburg universiteti tadqiqotining rahbari, professor Stiven Uolles shunday deydi: “Ko‘pchilik paratsetamolning hozirda neftdan olinishini bilmaydi. Ushbu texnologiya kimyo va biologiyani ilk bor shu tarzda uyg‘unlashtirish orqali paratsetamolni yanada barqaror usulda ishlab chiqarish va bir vaqtning o‘zida atrof-muhitdagi plastik chiqindilarni tozalash imkonini beradi”.Olimning o‘z jamoasi bilan amalga oshirgan kashfiyoti polietilen tereftalat (PET) - oziq-ovqat qadoqlari va butilkalarda ko‘p uchraydigan plastik turini olib, barqaror kimyoviy usullar yordamida yangi materialga aylantirish jarayonida yuz berdi.Tadqiqotchilar natijalarni qiziqarli deb hisobladilar. Chunki bu plastik chiqindilarni biologik materialga aylantirish mumkinligini ko‘rsatadi.“Bu plastik chiqindilarni butunlay yo‘q qilishning bir usuli”, - deydi professor Uolles.Garchi paratsetamolni bu usulda tijorat miqyosida ishlab chiqarish uchun qo‘shimcha ishlar talab etilsa-da, natijalar amaliy ahamiyatga ega bo‘lishi mumkin.So‘ngra tadqiqotchilar E coli’ni genetik jihatdan yanada o‘zgartirib, unga ikkita gen - biri qo‘ziqorinlardan, ikkinchisi tuproq bakteriyalaridan oldi.  “Bu birinchi marta plastik chiqindilardan to paratsetamolgacha bo‘lgan yo‘lni ochib beradi, ammo bu faqat biologiya yoki faqat kimyo yordamida amalga oshirib bo‘lmaydigan jarayondir”, -  deydi Uolles.